تزوجو الكفيفات

بقلم مئسات كفيفة
كتابتي على قدي لاحد يركز عليها
انا بنت كفيفة شابة شارفت ع الثلاثين ولم يتقدم لي احد لطلب الزواج مني مدري ليش . ايش ناقصني ؟ ياترى بس لاني ماشوف محد يلتفت لي او يتقدم للزواج مني
ليش ياعالم هل كوني كفيفة مو من حقي اني اصير ام او زوجة وربة منزل
ليش الكل يدور ع البنت الكاملة والكامل الله
وحنا طيب مين اللي بياخذنا اذا مافكر فينا ولد عم او خال او حتى جار ياخي. تتوقعون ماعندي مشاعر انا او ماحتاج احب او انحب؟
انا حتى حيائا ماقدر اطلب واقول زوجوني لكني اطقطع مليون ارب من جواتي
حسو بوجعنا ومشاعرنا وانا نتمنى بس طفل نسمع من فمه كلمة ماما
والله ماخلاني اكتب هالكلام الا يوم اني تعرضت لموقف قوي ألمني بشدة وما وجد سوا قلمي يعبر عن مابداخلي
فالحمدالله ع كل حال.
ختاما :
الى كل شاب اذا تقدر تكون عين لكفيفة لاتتردد يمكن تكون هالكفيفة سبب لدخولك اعالي الجنان لانك فرجت همها ونفست كربها وحصنت فرجها .
نصيحة لكل ام شاب صالح او اخت مثل ماتبين تفرحين ببناتك ترى حتى امي تبي تفرح فيني. لاتقولين ازوجك او تتزوج عميى لان حتى ذي العميى ترى مثل بنتك تحس وتتمنى انها تلبس الفستان الابيض وتنزف.
نصيحة لكل من توصله رسالتي. لا توقف عندك يمكن توصل لرجال شهم ويفكر يتزوج كفيفة ويمكن ويمكن ويمكن. واللي بالقلب كثير لكن خير الكلام ماقل ودل ع قولتهم …

بقلم صرخة كفيفة. ووالله غصب عني حطيت هاذا الرمز عشان اكيد ماودي احد يعرفني لعل بنت تتزوج بسبب كلماتي تلك وانا الله يرزقني بزوج صالح من بعدها
اطلت اعتذر من القلب واتمنى ان يصل الى القلب.❤

اترك تعليقاً